سرح لعقل
يتيه ف غابتْ لقرايه
يحسب انجم الشجره
يلقاها ولدت غابه
يخرّج لوسيله من لغايه
ويتوسّل ابغوه
مّيْهَ ف طريق
يبغي خوه
يكنّشْ لحكايه
شجره شجره من لغابه
وضلْها ف عيني فاضْ
والضاد
اكتبها جنّه
ؤ جن جنّي مع لْحطّابه
…ولخطّابا
وكانت نصّابه
شجره ف لغابه
ؤ من دابا
طليتو اخضر
فراشو ربيع
ف الشجره ازهر
لْبستو جلّابه
وتيهي ف لكتاب يديع
لْما تْبخّر من الضايه
ولد غْمامه
اشعرها اشْتا
سوسدي ف سوسدي
ؤ لمْناولْ حتى
ونسيتني ف تيْهي
بْلانْ بلا كتابْ
وبقيت حافظْ
الليف من التّا
ؤ تنميّز
شكون هو
وشكون أنت
وطابتْ لكميه
بْرمتها شجْره
بانْ اجذر
ؤ وجه لحفره
كمّلتْ كتابي
وغيّرتْ بابي
..ؤ توحشتْ لغابه
ذ. عبد الله التويس أبو فيروز / المغرب
